بالفيديو.. إبراهيم سعيد:سؤال لدار الإفتاء اتعامل ازاى مع بناتي بعد ما شهدوا ضدي في المحكمة

بوابة السهم الإخبارية – ظهر إبراهيم سعيد، لاعب الأهلي والزمالك ومنتخب مصر الأسبق، في مقطع مصور، ليروى من خلاله تفاصيل خلافه مع أسرته ودخوله السجن خلال الفترة الماضية.

ونفذ إبراهيم سعيد حكما بحبسه 4 أشهر في قضايا نفقة لابنتيه بمبلغ مليون و100 ألف جنيه، بمجمل 4 أحكام قضائية.

وقال إبراهيم سعيد باكيًا بعد خروجه من السجن: “أنا في ابتلاء.. بس سؤال لـ دار الإفتاء إزاي أتعامل مع بناتي اللي حبسوني؟ بناتي جوليا ولي لي عندهم 20 سنة و21 سنة سجنوني.. اللي من دمي حبسوني! ده أنا اللي مطلعلهم البطاقة! شهدوا ضدي في المحكمة”.

وأضاف: “بناتي عقوبتهم إيه يا دار الإفتاء؟ أنا عمري ما أذيتهم وشافوا مني كل الحب، أنا مش عارف أدعي عليهم مفيش حد بيدعي على عياله ربنا يهديهم ويسامحهم.. أنا سايبلهم فيلا وعربية وأحسن لبس وأحلى برندات وأحلى مدارس.

وتابع: كانوا بيطلبوا مني إني أبيع شقة أمي وأرميها في الشارع عشان ياخدوا فلوس الشقة أو أتحبس بس أنا قولت أتحبس ولا إني أرمي أمي في الشارع مع إنها كانت هتوافق عشان أخرج من السجن.. الظلم وحش وربنا كبير والله كنت واثق في ربنا والحمد لله خرجت وربنا نصرني بس أنا عاوز حقي يا مصر من اللي شهدوا زور ضدي.